Мұсылман еместер де ораза ұстап жүр

Канаданың Гамильтон қаласында мұсылман емес тұрғындар да мұсылмандардан үлгі алып, ораза ұстауға көшті. Дәлірегі, ауыз бекіткен Гамильтонның елу тұрғыны жергілікті мешітте мұсылмандармен бірге ауызашарға қатысты. Ауызашарда қала әкімшілігінің мүшелері, тілшілер, білім беру саласының қызметкерлері, сондай-ақ, қала әкімі лауазымына кандидат Брайан МакМэтти мен Брэд Кларк және Гамильтон полициясы бастығының орынбасары Эрик Герт мұсылмандармен бір дастарханның басында отырып, оразадан алған әсерімен бөлісті.