Швецияның әділет кеңесі үкіметтің мәжбүрлеу шарасы ретінде құпия мәліметтерді оқу туралы ұсынысын қабылдады. Бұл жайында шведтердің Dagens Nyheter ақпарат көзі хабар таратты. «Үкіметтің ұсынысы заңнама негізі ретінде пайдаланылуы мүмкін»,- деп мәлімдеді скандинавиялық аталған елдің әділет кеңесі. Ендігі жерде швед полициясы иесінен рұқсат сұрамай-ақ немесе арнайы ордер алмай-ақ күдіктінің қалта телефонын, планшетін немесе компьютерін тінте алады, яғни, ондағы мәліметтерді оқуға мүмкіндік алады. Мейлі ол электронды пошта болсын, смс, веб-парақша, фото-сурет пен өзге де файлдарды қарай алады. Қылмыстық із кесу барысында. Сонымен қатар, микрофон, камераны немесе GPS құрылғысын аңдуда керек кезінде пайдалана алады.