Иран полициясы көлік жүргізіп келе жатып, басындағы жаулығын сыпырған әйелдердің машинасын тәркілеп, айыппұл салатын болады. Иран полициясы мұндай қадамға, біріншіден, діни талаптардың сақталуын қамтамасыз ету әрі жол-көлік апатының алдын алу мақсатында барып отыр. Иран полициясы жуырда қабылданған жаңа ережеге сәйкес бұдан былай ескертумен шектелуді доғарады. Бұл жайында «Al Arabiya» ақпарат көзі хабар таратты. Бұл шара тек көлік жүргізген әйелдерге ғана емес, сонымен қатар, машинада отырып, әйелдерге қырындаған ерлерге де қолданылады. Яғни, олардың да автокөлігі тәркіленіп, айыппұл салынады. Айта кетейік, бұл елде соңғы аптаның ішінде жол-көлік ережесін бұзғаны үшін он мыңнан аса адам ескерту алған.