Естеріңізде болса, осыдан екі-үш күн бұрын Сауд Арабиясының шиттер көптеп шоғырланған әл-Қатып провинциясындағы мешітте 20 жастағы жанкешті жұма күні жарылыс жасап, нәтижесінде 21 адамның қаза тапқаны және жүзден аса адамның жарақат алғаны жайында хабар таратқан болатынбыз. Бұл терактіні ИСИМ содырлары жасағаны белгілі болды. Кеше осы терактіден қаза тапқандарды ақтық сапарға шығарып салушылардың саны жарты миллион адамға жетті. Қарақұрым халық биліктен дінаралық араздықты қоздырып, арандатуға бастайтын қылмыстарға қатысты заңнаманы қатайтуды талап етті.