Тау-тасқа өрмелеп шыға беретін ешкілерден бөлек ағаштың бұталарында жайылатын Сексек ата тұқымдарын көргеніңіз бар ма? Мароккадан құстар секілді ағаштың басына шығып жайылатын ешкілер әдетте жапырақтарды қорек етеді. Ешкілер құрғақшылықтан жерде азық етер шөп қалмағанда әлгіндей қулыққа барып, ағаштың басында жайылатын болған. Яғни, қажеттіліктен бастарын қатерге тігіп, биікті «бағындыруға» мәжбүр. Десе де, олар шағып алар тікенегі бар ағаштардың басында жайылатынын айта кету керек. Бұл ағаштар Марокканың оңтүстік-батысында өседі. Одан әлемде теңдесі жоқ, тағамның дәмін кіргізетін және опа-далапты жасауда пайдаланылатын аса қымбат май алынады. Мұндай майдың бір литрі шамамен 100 долларды құрайды. Шопандар биіктігі 8-10 метрге жететін ағаштарға зиян келмесі үшін ешкілерді өзге ағаштарға айдап апарып, «жайылымды» ауыстырып отыруға мәжбүр.