Иран ислам республикасының қорғаныс министрлігі мен қарулы күштерінің қолдауымен су астындағы дроннан атылатын оқ-дәрінің жаңа видеосы жарияланды. Бұл жайында islam.kz порталы bulgarianmilitary.com ақпарат көзіне сілтеме жасай отырып мәлім етеді. Иран әскерилері мәлімдегендей, бұл дронның өзгелерінен айырмашылы – толық дербес жұмыс істей алады, яғни, толық автономды. Атылған соң оны адам қашықтан басқармайды, жау нысанасын өзі тауып жоя алады. Жасанды зерде технологиясымен жабдықталғандықтан радиобайланысты қажет етпейді. Осылайша радиотолқынды құмықтырып, әскери құрылғыны жарамсыз күйге түсіретін олқылықтан ада.