Индонезия банкі 2026 жылы елде өткен шариғат экономикалық фестивалі (ISEF) кезінде исламдық қаржыландыру және сауда бизнесін салыстыру бойынша мәмілелер шамамен 3,16 триллион рупиге (шамамен 175,35 миллион АҚШ доллары) жеткенін хабарлады. Бұл жайында islam.kz порталы en.antaranews.com ақпарат көзіне сілтеме жасай отырып мәлім етеді. Бұл қаражаттың едәуір бөлігі шариғат талаптарына сай қаржыландыру туралы келiсiмдерге (2,6 триллион рупи немесе 144,28 миллион АҚШ доллары) тиесілі, ал қалғаны сауда-саттық мiндеттемелерi бойынша 558,4 миллиард рупи (30,98 миллион АҚШ доллары) құрайды. Бұдан басқа, орталық банктің жыл сайын қазан айында өтетін іс-шарасы халал тағамдары мен қарапайым киімдерді бөлшек саудада сатудан 13,85 миллиард рупи (768 547 АҚШ доллары), сондай-ақ, ислам валютасы және валюта нарықтарындағы мәмілелер бойынша 6,05 триллион рупи (335,72 миллион АҚШ доллары) жинаған. Аталған іс-шарада Индонезияның ислами экономикалық және қаржылық архитектурасын нығайту үшін үш стратегиялық бағыт белгіленді: құн құрудың халал тізбегін upstream-дан downstream-ға дейін интеграциялау; өнімдердегі инновациялар мен коммерциялық және әлеуметтік қаржыны біріктіру арқылы шариғи жолмен қаржыландыру мүмкіндігін кеңейту; сондай-ақ, цифрлы трансформация арқылы қаржылық сауаттылықты және инклюзияны жеделдету. Фестивал шағын және орта кәсіпорындардың, ислами қаржы институттарының өкілдерін, креативті сектор кәсіпкерлерін, сондай-ақ, отандық және халықаралық инвесторларды қоса алғанда, халал индустриясынан 1000-нан астам мүдделі тұлғаларды тартты. «Синергия және сандық трансформация арқылы тұрақты ислами экономикалық және қаржылық өсуді жеделдету» тақырыбымен ұйымдастырылған ISEF 2026 халал экожүйесін нығайтуға, исламдық экономикалық тұжырымдамаларды ілгерілетуге және жастар мен кәсіпкер әйелдердің құқықтары мен мүмкіндіктерін кеңейтуге бағытталған 100-ден астам гибридтік іс-шараларды ұсынды.