Оңтүстік-шығыс Азиядағы көші-қон дағдарысы аяқталып қалған тәрізді. Индонезия мен Малайзия үкіметтерінің бірлескен баспасөз мәжілісінде жағалауда қаңтарылып қалған Мьянма мен Бангладештен келген рохиньялық мұсылман босқындарды қабылдайтындарын мәлімдеді. Екі елдің өкілдері тек бір жолға ғана осындай рұқсат беретіндерін айтуды да ұмытпады. Яғни, босқындарды қабылдағанынан үміт етіп, осы босқындар легінің артынан тағы босқындар келе ме деп қауіптенетіндерін де жасырмады. Екі елдің өкілдері де өз елінде буддашыл радикалдардан, жол-жөнекей адам саудасымен айналысатындар мен контрабандышылардан теперіш көріп, бас сауғалап келген рохиньялық мұсылман босқындарды азық-түлікпен қамтамасыз ету шығынын халықаралық қауымдастықтың мойнына жүктелетінін де тілге тиек етті.