Ғаламтор «құбыжығы» екі жылға дейін бас бостандығынан айырылады

Ғаламтор пайдаланушыларын қорқытып-үркіткен, үрейін ұшырған интернет «құбыжықтарын» қабылданған заң бойынша алты айдан екі жылға дейін бас бостандығынан айыру жазасы қарастырылған.

Бұл жайында Daily Mail ақпарат көзі елдің әділет министрі Крис Грейлингке сілтеме жасай отырып, хабар таратты. Ғаламтор «құбыжықтарын» заңмен қудалау бастамасы кейінгі кезде интернетте өлімді айтып қорқыту, тіл тигізу, қорлау оқиғаларының кеңінен етек алып кеткені себепті көтерілген болатын. Бұл бастама «Интернет-терроризмге» қарсы күрес ашқан Хлой Мэделдің атына да телініп жүр.