Франция Иракқа осыдан он жыл бұрын тұтқындалған Саддам Хұсейннің қаржысы мен активтерін әлі күнге қайтарған жоқ. Франция  ирактықтардың қаржысын қайтармаған әлемдегі жалғыз ел. Біріккен Ұлттар Ұйымының 2003 жылғы қарарына пысқырмаған Франция билігі Саддам Хұсейннің қаражатының заңды иесі болып табылатын Иракқа 20 млн еуроны және түрлі компаниялардың 1 млн-нан аса акциясын қайтарудан бас тартып отыр. Бұл қомақты қаражат осылайша Франция экономикасына қызмет етіп келеді. Ирактықтардың Франциядағы бұл қаражаты қаншалықты табыс әкелгенін де фарнцуздар жағы ашып айтпай отыр. Сарапшылар есептей келе бұл қаражаттың осы уақытқа дейін француздардың қалтасына кем дегенде жүздеген млн еуро пайда түсіргенін алға тартып отыр.