Пайғамбарлар падишасы – Мұхаммед Мұстафаның (Алланың сәлемі мен игілігі жаусын) карикатурасын жасап, журнал мұқабасына шығарған Charlie Hebdo апталық басылымының жүгенсіз әрекетіне наразылық танытқан мұсылмандар әлеуметтік желілерде француздардың әлемге әйгілі брендіне айналған әтірлеріне және өзге де тауарларына байкот жариялау турасында ұсыныстарын білдіріп жатыр. Осылайша француз экономикасына соққы беріп, демократияны желеу етіп, шектен шыққандарды тәубесіне түсірмек. Сондай-ақ, әлеуметтік желілерде пайда болған хабарламаларда француздардың қандай өнімдеріне байкот жариялау кеерктігі, яғни, әлем елдеріне экспортқа шығарылған тауарлар тізімі жасалған.