Дания 2026 жылдан бастап әйелдерге де әскери қызметті отан алдындағы борышы етпек. Бұл жайында islam.kz порталы өз кезегінде аталған елдің қорғаныс министрі Троэльс Лунд Поульсенге жөн сілтеген Bloomberg агенттігіне сілтеме жасай отырып мәлім етеді. Қорғаныс министрі алғашында әйелдерге де әскери қызметті 2027 жылдан бастап міндетті етпек болғанымен қазіргі геосаяси ахуалға байланысты бұл істі кейінге қалдырмай, келесі жылдан бастауды құп көргендерін мәлімдеді. Бұл тарапта аталған реформа бойынша парламентпен келісімге келгендерін де жариялады. Әзіргі Данияда әскери қызмет әйелдерге міндетті емес, яғни, әскери қызметті қалағандарына тосқауыл жоқ. Ал ерлер 18 жастан бастап, жеребе тастау жүйесі бойынша шақырылады. 2026 жылдан бастап әскер сапында болу мерзімі 4 айдан 11 айға дейін ұзартылады. Осылайша Дания Солтүстік Атлант саяси әрі әскери одағының (НАТО) үшінші еліне айналды әйелдерге әскери қызметті міндетті еткен. Бұл бастама 2015 жылы Норвегияда қабылданса, Швецияда 1017 жылы енгізілген. Данияның премьер-министрі Метте Фредериксен екі жылда қарулы күштерге қосымша 50 млрд доллар (7 млрд крон – даттардың ұлттық валютасы) бөлетінін мәлімдеді. Бұл қаражат әскери қажеттілікке жұмсалатын шығынның мөлшерін елдің жалпы ішкі өнімінің 3%-на дейін арттырады.