Еуродаққа мүше елдер Палестина жеріне заңсыз құрылыстар жүргізуден бас тартпағаны және Таяу Шығыстағы жанжалды тоқтатпай, палестиналықтармен татуласуға қадам жасамағаны үшін Израилге санкция салуы мүмкін. Бұл жайында Финландияның сыртқы істер министрі Эркки Туомия мәлімдеме жасады. Оның айтуынша, Еуродақ Израилді алған бетінен қайтаруға жеткілікті дейгейде күш салып келген. Алайда, Израиль билігі Еуродақтың бұл ескертпесіне «пысқырмаған» көрінеді. Еуропалықтар сол себепті Изриалге қатысты саясатын түбегейлі өзгертіп, қатаң шаралар қолдануға мәжбүр. Жарты ғасырға жуық Палестинга халқын қан қақсатып келсе де осы уақытқа дейін Еуродақ тарапынан Израилге қарсы бірде-бір шара қолданбағанын да жеткізді.