Лондон қаласындағы  Брунел университеті спорттық шараларға мұсылман бойжеткендерді өзінің формалық шариғат шәлісімен тартуды көздеп отыр. Sports England сауалнамасы нәтижесі көрсеткендей, Ұлыбритания аумағындағы мұсылман әйелдердің тек 18%-ы ғана спортпен шұғылданады екен, ал аталған елде спортты серік еткен әйелдер қарасы жалпы халықтың санына шаққанда 30%-ды құрайды. Бұл жайында BBC News ақпарат көзі хабар таратты. Әдетте бұл елдегі мұсылман қыз-келіншектер спортпен өз денсаулығын күту үшін шұғылданады, алайда, жарыстарға қатыспайды. Бұқаралық спорттық шараларға мұсылман қыз-келіншектердің қатысуы айналып келгенде олардың өз еркі.