Бразилия биткоинды (BTC) өзінің мемлекеттік резервтеріне қосу мәселесін қарастыруда. Бұл туралы Бразилия вице-президенті кеңсесінің басшысы мәлімдеп, цифрлық актив елдің экономикалық өркендеуінде «шешуші рөл» атқара алатынын атап өтті. Бұл жайында islam.kz порталы cryptonews.net ақпарат көзіне сілтеме жасай отырып мәлім етеді. Bitcoin криптовалютасын Бразилияның мемлекеттік резервтеріне кіріктіруді жақтаушылар бірнеше негізгі дәлелдерді келтіріп отыр:

• Активтер әртараптандырылады. Bitcoin доллар, алтын секілді әдеттегі активтерге балама бола алады. Бұдан бөлек, криптовалюта долларға деген тәцелділікті төмендетеді;
• Инфляциядан қорғайды. Bitcoin шектеулі (21 ммлн тиын) болғандықтан инфляция кезінде құнын жоғалтпайды;
• Инвестиция тартады. Bitcoin мемлекеттік актив ретінде мойындалғандықтан ел экономикасына жаңа инвестиция құйылады.

Десе де Bitcoin-ды мемлекеттік қорға қосудың қауіп-қатері де жоқ емес:

1. Құбылмалылық: Bitcoin бағасы елеулі ауытқуларға ұшырап отыратындықтан мемлекет үшін шығындарға әкелуі мүмкін;

2. Реттеудегі белгісіздіктер: түрлі елдерде Bitcoin-ның құқықтық мәртебесі белгісіз болып қалғандықтан халықаралық операциялар үшін қауіп төндіреді;

3. Қауіпсіздік: Bitcoin сақтау және басқару шаралары жымқыру мен ұрлықтан, хакерлерден қорғау үшін сенімді қауіпсіздік шараларын талап етеді ․