Саудияның статистикалық орталығының келтірген дерегіне қарағанда, биыл, яғни, григориан күнтізбесі бойынша 2022, ал хижра жыл санауы бойынша 1443 жылы ресми түрде 899353 адам қажылық парызын өтеген. Бұл жайында islam.kz порталы IslamNews ақпарат көзіне сілтеме жасай отырып мәлім етеді. Бұл мәліметті нақтылап тарқата түссек, 899353 қажының 119434-н жергілікті тұрғындар құраған, ал әлемнің әр түкпірінен қасиетті сапарға аттанғандар, яғни, шетелдік қажылар қарасы – 779919 адам. Биылғы қажылықтағы ер-азаматтар саны – 486458; әйелдер қарасы – 412895. Биылғы қажылардың 21,% араб әлемінен келсе, азиялық қажылар (соның ішінде арабтар да бар) саны - 53,8%; Африка құрлығынан - 13,2%, ал кәрі құрлықтан, яғни, еуропалық, америкалық, канадалық, австралиялық, т.б. қажылар саны - 11,6%. Биылғы қажылық кезінде мемлекет және жекеменшік ұйымдар тарапынан 228721 адам қажыларға қызмет көрсеткен екен.