Ұлыбританияның әскери әуе күштері этникалық және гендерлік әралуандылық бойынша көрсеткішке жету үшін ақ нәсілді ер адамдарды іріктеу процедурасын уақытша тоқтатты. Бұл жайында islam.kz порталы Sky News ақпарат көзіне сілтеме жасай отырып мәлім етеді. Десе де аталған елдің әскери әуе күштерінің мұндай саясатына сарапшылар наразылық білдіріп отыр. Олардың айтуынша, Қытаймен және Ресеймен арадағы салқын қатынас орнаған тұста мұндай саясат ұлт қауіпсіздігіне қатер төндіреді. Дәлірегі, жұмысқа қабылдау кезінде оның жынысының немесе терісінің түсі емес, кәсіби дайындығы маңызды екенін алға тартып отыр.