Француздардың «Саяси креатив» деп аталатын ұйымы жүргізген зерттеу нәтижесі көрсеткендей, халықаралық терроризмнен мұсылмандар ең көп зардап шеккен әрі көп қырылған. Лаңкестердің қолынан әрі терактіден әлем бойынша өлгендердің 90%-дан астамын мұсылмандар құраған. Бұл жайында «әл-Арабия» ақпарат көзі хабар таратты. Француздардың аталмыш ұйымы бұл бағыттағы есепті 1979 жылдан (КСРО әскерінің Ауғанстанға кіргізілген тұстан) бастап есептеген екен. 1979-2019 жылдар аралығында әлемнің әр түкпірінде ұзын саны 33 769 теракті орын алып,  167 096 адам көз жұмған,  151 431 адам жарақат алған. Бұл терактілердің 89,1% мұсылман елдерінде болған. Мұсылман елдерінде терактіден өлгендер қарасы 91,2%-ды құраған.