Халықаралық валюта қорында әлемнің түрлі елдерінде салық салудың озық үлгісін енгізудің пайдасы жайында сөз қозғалды. Аталған ұйым "Бюджет хабаршысы" деп аталатын кезекті жарияланымында экономиканың өсуіне теріс әсерін тигізетін тұрғындар табысындағы теңсіздік мәселесі көтерілген екен. "Белгілі бір деңгейде теңсіздік нарықтың ережесіне негізделген экономикалық жүйеде болмай тұрмайды, десе де шектен тыс теңсіздік әлеуметтік топтасуды бұзып, саяси қарсыластарды тудыруы мүмкін. Бұл өз кезегінде экономикалық өсімге тежеу салады",- деп аталған баяндамада. ХВҚ сарапшылары бұл тығырықтан шығу үшін осы заманғы салық салудың озық үлгісін енгізу керек деп есептейді. Былайша айтқанда, байларға салықты молынан салуды қарастыратын стандартты енгізуді жақтап отыр.