WIN/Gallup International қауымдастығы әлемнің 65 елінде 70000 адамға сауалнама жүргізіп, мынадай қызық мәліметті алға тартып отыр: адамзаттың 59 пайызы діннің қоғамға тигізер оң ықпалын жоққа шығармаған. Алайда, әрбір бесінші респондент бұл пікірге қарсы уәж білдірген (22%). Қарсы пікір білдіргендердің дені батыс Еуропадан ұшырасқан, нақтырақ айтқанда, Бельгия, Дания, Нидерланды, Франция, Испания және Швеция тұрғындары діннің маңызын жоққа шығаруға тырысқан екен. Бір қызығы, осы сауалнамаға қатысқан Индонезия тұрғындарының 95 пайызы діннің қоғамға жағымды әсер ететінін мойындаған. Респонденттердің арасында мұсылмандардың 76 пайызы, ал протестанттардың 72 пайызы, индустардың тек 55 пайызы оң пікір білдірген көрінеді.