Біріккен Ұлттар Ұйымының халықаралық балалар қоры (UNICEF) алты жылға созылған соғыстан опат болған балалар санын жариялады. Аталмыш ұйымның келтірген дерегіне қарағанда, 2015 жылдан бері Йеменде көтерілісшілер мен биліктың қарулы қақтығысынан 10 мыңнан аса бала жер жастанған. Бұл жайында islam.kz порталы Arab News ақпарат көзіне сілтеме жасай отырып мәлім етеді. UNICEF баспасөз хатшысы Джеймс Элдер Женева қаласында өткен брифингте күн сайын 4 бала көз жұматынын алға тартып отыр. Осылай деген ол 400 мыңға тарта йемендік баланың ашқұрсақ өмір сүріп жатқанын жеткізді. Екі млн бала мектепке бармайды.