Парагвайда 10 жастағы аяғы ауырлап қызға түсік жасатуға тыйым салынды. Бұл жайында BBC News ақпарат көзі хабар таратты. Осыған байланысты Біріккен Ұлттар Ұйымы қыздың құқығы бұзылғаны үшін Парагвай билігін айыптап отыр. Парагвайда ана өміріне қауіп төнгенде ғана түсік жасатуға рұқсат берілген. Парагвай заңында осы қыздың басындағы кепке ұқсас жағдай орын алғанда түсік жасату қарастырылмаған (Ислам дінінде де бұған тыйым салынады). Қазір қыз жүктіліктің 23-ші аптасында. Денсаулық сақтау министрі Антонио Баррос түсік жасатуға қарсы, ол қыздың аман-есен қалатынына сенім артып отыр. Қыздың "аяғының ауырлап қалғанына себепкер болды" деген күдікпен полицейлер 42 жастағы ер адамды ұстады. Дегенмен ол өз кінәсін мойындамай отыр. Басылымның хабарлауынша, анасы қызды ауруханаға әкелген кезде дәрігерлер ісік бар деп қауіптенген.

Айта кетейік, жеті миллионға жуық тұрғыны бар Парагвайда жылына 14 жасқа толмаған 600-ге жуық қыз екіқабат болады.