Дана Лұқман Хәкім өзінің ұлына айтқан нәсихаттарының бірінде былай депті:

- Ұлым! Бұл өмірде үш нәрседен бас тартпа:

• 1) Ең тәтті тамақты жеуден,
• 2) Ең жайлы төсекте жатудан,
• 3) Ең керемет үйде тұрудан.

Мұны естіген ұлы:

- Әкетай, біз кедейміз ғой, бұларға қолым қалай жетпек?! – деп, таңдана сұрайды.

Сонда Лұқман Хәкім:

- Қарның ашқан кезде ғана тамақ же, сонда ең тәтті тамақты жеген боласың. Көп жұмыс істеп, шаршап келіп жат, сонда ең жайлы төсекте жатқан боласың. Адамдармен жақсы қарым-қатынаста болып, олардың жүректерінен орын ал, сонда ең керемет үйде тұрған боласың! – деген екен. 

Алла баршаңыздың күндеріңізге береке жаудырсын!

Абдусамат Қасым