• ...Расында, өзін әлдеқандай көретін мақтаншақты Алла жақсы көрмейді [1]. Яғни, тәкаппар, туысқандары мен көршілеріне мұрнын шүйіріп қарайтын, адамдардың арасында мақтанып олардан өзін жоғары һәм артық санайтын адамды Алла жақсы көрмейді.

• ...Расында, Алла опасыздық һәм күнә жасауда тым шектен шыққандарды жақсы көрмейді [2]. Яғни, шектен шыққан қиянатшыл әрі күнәнің батпағына белшесінен батқандарды жақсы көрмейді [3].

• Уа, иман келтіргендер! Алланың сендер үшін адал еткен таза әрі денсаулыққа зиянсыз нығметтерін өздеріңе харам қылмаңдар һәм (оларды ысырап қылу арқылы) шектен шықпаңдар. Расында, Алла шектен шығушыларды жақсы көрмейді [4].

• ...Расында, Алла опасыздарды мүлде ұнатпайды [5].

•  Шынында, Алла опасыз әрі рақметі жоқтардың ешқайсысын жақсы көрмейді [6].

• ...Расында, Алла есіргендерді ұнатпайды!»[7]

• Расында, Алла бұзақыларды әсте жақсы көрмейді [8].

• «Ешкімге мұрныңды шүйірме, жер бетінде кердеңдеп жүрме! Расында, Алла кеуде керіп, менменсіген мақтаншақтардың ешбірін ұнатпайды» [9]. Яғни, адамдарға менсінбей қарап, тәкаппарлықпен теріс айналма [10] және жер бетінде тәкаппарланып жүрме, өйткені Алла тағала өзін ұлық көретін, басқалардан артық һәм жоғары санай- тын, кеуде керіп даңдайсып жүретін адамды жақсы көрмейді [11].

Сілтемелер:

1. «Ниса» сүресі, 36-аят.
2. «Ниса» сүресі, 107-аят.
3. Али әс-Сабуни, «Сафуатут-Тәфәсир», 1/302.
4. «Мәида» сүресі, 87-аят.
5. «Әнфәл» сүресі, 58-аят.
6. «Хаж» сүресі, 38-аят.
7. «Қасас» сүресі, 76-аят.
8. «Қасас» сүресі, 77-аят.
9. «Лұқман» сүресі, 18-аят.
10. Қуртуби 14/70.
11. Али әс-Сабуни, «Сафуатут-Тәфәсир», 2/493.