Имам Мүслімнің хадистер жинағында орын алған бір «Құдси хадисте» былай делінеді:
«Шынында Алла Тағала қиямет күні (пендесіне) былай дейді:
إنَّ اللَّهَ عزَّ وجلَّ يقولُ يَومَ القِيامَة
- Ей, адам баласы! Мен ауырған кезде сен халімді сұрап келмедің.
يا ابْنَ آدَمَ، مَرِضْتُ فَلَمْ تَعُدْنِي،
- Сен әлемдердің Раббысы бола тұра қалай саған келмекпін, уа Раббым? - деп сұрайды пенде.
قالَ: يا رَبِّ، كيفَ أعُودُكَ وأَنْتَ رَبُّ العالَمِينَ؟!
Сонда Алла Тағала оған:
- Сен білмеуші ме едің, пәлен деген құлым ауырып қалған еді, сен оған бармадың?! Сен білмеуші ме едің, егер оның көңілін сұрап барғаныңда оның жанында мені табар едің?!
قالَ: أَمَا عَلِمْتَ أنَّ عَبْدِي فُلانًا مَرِضَ فَلَمْ تَعُدْهُ؟ أمَا عَلِمْتَ أنَّكَ لو عُدْتَهُ لَوَجَدْتَنِي عِنْدَهُ؟
Сосын Алла Тағала тағы былай дейді:
- Ей, адам баласы! Сенен жейтін тамақ сұрадым, бірақ сен мені тамақтандырмадың!
يا ابْنَ آدَمَ، اسْتَطْعَمْتُكَ فَلَمْ تُطْعِمْنِي،
- Уа, Раббым Алла!Сен әлемдердің Раббысы бола тұра, сені қалай тамақтандырмақпын?
قالَ: يا رَبِّ، وكيفَ أُطْعِمُكَ وأَنْتَ رَبُّ العالَمِينَ؟!
- Сен білмедің бе, пәлен деген құлым саған барып тамақ сұраған болатын, бірақ сен оны тамақтандырмадың?! Егер, оны тамақтандырғаныңда ол нәрсені (оның қарымтасын қазыр) менің құзырымда табар едің ғой, білмейдің бе?! - дейді жаратушы.
قالَ: أَمَا عَلِمْتَ أنَّه اسْتَطْعَمَكَ عَبْدِي فُلانٌ، فَلَمْ تُطْعِمْهُ؟ أَمَا عَلِمْتَ أنَّكَ لوْ أطْعَمْتَهُ لَوَجَدْتَ ذلكَ عِندِي،
Сосын және сөзін жалғап Ол былай дейді:
- Ей, адам баласы! Сенен ішуге су сұраған едім, бірақ сен маған су бермедің.
يا ابْنَ آدَمَ، اسْتَسْقَيْتُكَ، فَلَمْ تَسْقِنِي،
- Уа, Раббым Алла! Сен әлемдердің Раббысысың, мен қалай саған су бермекпін?
قالَ: يا رَبِّ، كيفَ أسْقِيكَ وأَنْتَ رَبُّ العالَمِينَ؟!
- Сенен пәлен құлым ішуге су сұраған еді, алайда сен су бермедің. Егер сол кезде ішуге су бергеніңде, оны қазір менің қасымда табар едің! - дейді»1.
قالَ: اسْتَسْقاكَ عَبْدِي فُلانٌ فَلَمْ تَسْقِهِ، أمَا إنَّكَ لو سَقَيْتَهُ وجَدْتَ ذلكَ عِندِي
1 Имам Мүслім: «Сахих Мүслім».
