Қатерлі ісік скринингі: қашан және кімдер өтуі тиіс?
Қатерлі ісік скринингі: қашан және кімдер өтуі тиіс?
27 күн бұрын 234

Қазақстанда скрининг тегін медициналық көмек кепілдік берілген көлемінің тізбесіне кіреді. Скринингтік тексерулер толық көлемде ақысыз медициналық көмектің кепілдендірілген көлемі аясында тіркеуде тұрған медициналық ұйымдарда өтеді. Денсаулық сақтау басқармасы қай жас аралығындағы адамдар және қандай ауру түріне тексерілуі тиіс екендігін еске салды, — деп хабарлайды arhar.kz порталы «Елорда Инфо» ақпарат көзіне сілтеме жасай отырып.

Скрининг — бұл ауруларды және қауіп факторларын ерте сатыда анықтау үшін дер кезінде емдеу, асқынулардың дамуының алдын алу мақсатында белгілі бір жастағы дені сау адамдарды профилактикалық-медициналық тексерулерден өткізу, — делінген қалалық Қоғамдық денсаулық сақтау басқармасының хабарламасында.

Скринингтің негізгі әдістері:

- медициналық тексеру және қарау;

- зертханалық зерттеулер (тіндерді, зәрді, қанды, нәжісті зерттеу);

- медициналық аспаптық бейнелеу әдістері — ішкі ағзалардың суретін алуға мүмкіндік беретін емтихан (УДЗ; МРТ; компьютерлік томография; маммография және басқалар);

- ісіктердің дамуына әкелетін мутацияны анықтауға бағытталған генетикалық зерттеулер.

Ол ауру белгілері пайда болмас бұрын ісікті табуға және ерте диагноз қойылған кезде терапияға жақсы жауап беретін қатерлі ісік түрлерін анықтау, сонымен қатар, қатерлі ісіктен болатын өлімді азайтуға бағытталған.

Бүгінгі таңда Қазақстанда онкологиялық профиль бойынша 6 скринингтік бағдарлама жұмыс істейді.

- Жатыр мойны обыры аурулары бойынша диспансерлік бақылауға 30, 35, 40, 45, 50, 55 немесе 60 жас аралығындағы әйелдер тексеруге шақырылады;

- Сүт безі қатерлі ісігін тексеру бойынша диспансерлік бақылауға 50, 52, 54, 56, 58, 60 жастағы әйелдерді шақыруға болады;

- Колоректальды қатерлі ісікке (тоқ ішек қатерлі ісігі) скрининг 50-70 жас аралығындағы еркектер мен әйелдерге (50, 52, 54, 56 және т.б.) арналған;

- Простатит обыры скринингіне — 50-70 жас аралығындағы ер адамдар үшін тексерулер арасындағы — 4 жыл аралығында (50, 54, 58, 62, 66, 70 жас);

- Асқазан мен өңеш қатерлі ісігі скринингіне 50, 52, 54, 56, 58 және 60 жастағы ерлер мен әйелдер тексеруге шақырылады;

- Бауыр ауруының асқынған түрімен ауыратын әйелдер мен еркектер (бауыр циррозы, бауырдың қатерлі ісігі) бауыр алмастыру отасын жасауға зәру.

0 пікір
Мұрағат