Каллиграфия көркем жазу өнері. Каллиграфия әлемнің әліпбиінде қолданылады. Атап айтсақ, араб, парсы, үнді, моңғол, жапон және қытай каллиграфиясы. Араб каллиграфиясының ерекшелігі - асыл дінімізбен байланысында. Яғни, діни мәтіндердер арқау болады. Түптеп келгенде, араб каллиграфиясы тек діни мәтіндерде ғана емес, сонымен қатар, тиындардың дизайнында, сәулет те қолданылады. Тіпті, матада да өрнек боп түседі. Қытайда да каллиграфия өнердің бекзат түрі саналады. Екеуін бір-бірімен ұштастырса қандай болар еді? Бұл сауалға Гаджи Нур Дин Ми Гуанг Цзянның картиналарынан тамашалай аласыздар. Ол 1963 жылы Шаньдун провинциясында дүниеге келген. Бүгінде Мысыр каллиграфистер қауымдастығының мүшесі әрі араб каллиграфиясы бойынша мысырлық сертификатқа ие болған алғашқы қытай мұсылманы. Ол ол ма, ол әлемдегі каллиграфияның жаңа түрі бойынша ең шебер 500 мұсылман суретшілердің бірі.