Естеріңізде болса, алдыңғы күні аталған елде әйелдерге көлік жүргізуге билік тарапынан ресми рұқсат берілгенін жария еткен едік. Саудиялық әйелдерге осы уақытқа жабық болып келген стадионның да есігі ашылғанын айта кету керек. Соңғы уақытта патриархалдық тәртіп үстемдік еткен елде әйелдердің құқығы кеңейтіліп жатыр. Ендігі жерде әйелдердің ұшқыш атануына барынша мүмкіндік бермек. Ханади есімді ұшқыш әйел ұшуға 2006 жылы лицензия алғанымен ел аумағынан тыс жерде әуе кемесін басқаруға болмайтын еді. Жидда қаласында орналасқан азаматтық авиацияның бас басқармасынан ұшуға лицезия алған ол саудиялық ханзада әл-Уәлид бин Талалға тиесілі жекеменшік әуе компаниясының ұшағында жұмыс істеуді бастады. 

"Бұрын тек ер-азаматтар ғана атқарған кез келген жұмысты саудиялық әйелдер де істей алады",- деп мәлімдеді ол. 

Айта кетейік, 500-ге тарта саудиялық әйел Saudi Arabian Airlines әуе компаниясының қызметкері болып жұмыс істейді. Алайда, олар қаржы, борндау, т..б ұшуға тікелей қатысы жоқ салаларда жұмыс істейді.