АСТАНА: «FRUCTIS» СИРОПТАРЫ СЕРТИФИКАТТАЛДЫ 

Астана қаласындағы «Асроруф Фуд Трейд» кәсіпорнының «Frutis» сауда белгісімен шығарылатын сироптары сертификатталды. Сертификатты «Халал Даму» директоры Айбек Асқарбекұлы табыстады.

«Бұл сироптар – кофе, коктейль, кондитерлік өнімдер, десерттер т.б өнімдерді дайындауда қосымша тағамдық қоспа ретінде қолданылады. Сондықтан, құрамының тазалығы, харам компонеттердің болмауы аса маңызды. «Frutis» өнімдерін сертификаттау барысында өндіріс орны толықтай тексеріліп, өнімдеріне лабораториялық зерттеу жүргізілді. Сертификаттау жұмысының оң қорытындысынан кейін сертификат табыстау жөнінде шешім қабылданды», – дейді маманымыз.

«Frutis» сироптарына берілген сертификат 02.05.2024-01.05.2025 жж мерзімі аралығында жарамды. Кәсіпорынның мекен-жайы: Астана қаласы, Герцен көшесі, 55 А. 

АЛМАТЫ ОБЛ.: «АЛАША» ЕТ ДҮКЕНІ СЕРТИФИКАТТАЛДЫ 

Алматы облысы, Қарасай ауданы, Қаскелен қаласында орналасқан «Алаша» ет дүкені «QMDB Halal» стандарты талаптарына сай сертификатталды. Сонымен қатар, ет дүкенінің қасапшысына «Қасапшы куәлігі» табысталды.

Жергілікті маманымыз Жанәбіл Жұмабеков ет дүкенінде бақылау-қадағалау шаралары жүргізіліп, қызметкерлерге шариғат және халал стандарты талаптарына сай мал сою және ет өңдеудің ерекшеліктері мен маңызын түсіндіріп, алдағы уақытта міндетті айлық тексеріс жұмыстары жүргізіліп тұратынын жеткізді. Және жергілікті тұтынушылардың адал да таза ет тұтынуы үшін қызмет ететін кәсіпкерге алғысын білдірді.

ТАЛДЫҚОРҒАН: «SIRNE.KZ» ДӘМХАНАСЫ СЕРТИФИКАТТАЛДЫ 

Талдықорған қаласында орналасқан «Sirne.kz» дәмханасы «QMDB Halal» стандартына сай сертификатталды. Жұма намазына жиналған жамағат алдында дәмхана өкілі мен қасапшыларға халал сертификаты табысталды. Аталған дәмхана «Тамақтандыру қызметтері» стандартына сай деп танылды.

«Халық сұранысына ие кәсіпорындардың халал сертификатын алуы – біз үшін өте маңызды. Себебі, біздің басты мақсатымыз – халық қажеттілігін қамтамассыз ету. Осы бағыттарыңыздан таймай, елге адал ас ұсынып, шариғат және халал стандартына сай қызмет етесіздер деп сенемін. Алла кәсіптеріңізге береке беріп, табыстарыңызды адалынан қылғай!», – деді өкіліміз. Өз кезегінде, дәмхана өкілі «Халал Даму» ұжымы мамандарының қызметін жоғары бағалап, ризашылығын білдірді.

«Sirne.kz» дәмханасының мекен-жайы: Талдықорған қаласы, Балпық би көшесі, 61.