Сауд Арабиясы королі Салман бен Әбдел Әзиз Әл Сауд кеше әйелдерге көлік жүргізуге құқық беретін жарлыққа қол қойды. Бұл туралы елдің Сыртқы істер министрлігі Twitter-дегі ресми парақшасында мәлімдеді, деп хабарлады baq.kz порталы РИА Новости ақпарат көзіне сілтеме жасай отырып.
Сауд Арабиясында әйелдерге көлік жүргізуге рұқсат берілді
|
«Королдің жарлығы: жол қозғалысы қызметі королдікте әйелдерге көлік жүргізуге рұқсат етеді», - деп жазылған СІМ хабарламасында.
Король әйелдерге автокөлік жүргізуге құқық беретін шараларды пысықтау үшін ІІМ, қаржы министрлігі, еңбек және әлеуметтік даму министрлігі өкілдерінен комиссия құруға бұйрық берді.
Әлемде ең кертартпа ел саналатын Сауд Арабиясы көптеген салада әйелдердің құқығын шектейді. Дегенмен соңғы кездері әйелдерді тасымалдауға мәжбүр еркектердің уақытын үнемдеу үшін нәзік жандарға көлік жүргізу құқығын беруді жақтайтындар көбейген.
Имамдардың бірі әйелдердің «ақыл-ой қабілеті шектеулі» болғандықтан көлік жүргізуді сеніп тапсыруға болмайды деп мәлімдеген еді, алайда билік оны осы сөзінен кейін діни қызметтен біржола шеттетті.
Мұрағат
Көп оқылғандар
■
От шашып, жалын бүркетін робопс пайда болды (видео)
■
Ым-ишара тілін дауысқа айналдыратын (аударатын) смарт көзілдірік жасалды (видео)
■
Сауытты бұзатын ұшқышсыз ұшу аппаратының мүмкіндіктері жұртшылық назарына ұсынылды (видео)
■
Шоколадтың жаһандық қорына қауіп төнді
■
Екпенің жарты ғасырда шамамен 154 млн адамның өмірін құтқарғаны белгілі болды