Ғалымдар: Өзін жас сезінетін адамдар ұзақ өмір сүреді
Ғалымдар: Өзін жас сезінетін адамдар ұзақ өмір сүреді
2 жыл бұрын 680

Ғалымдардың пайымынша, адамдар өзін қанша жаста екенін сезінсе, сырт келбеті де сол жас шамасында болып көрінеді. Сондай-ақ мамандар өзін жас сезінетін адамдардың өмір жасы да ұзақ болатынын анықтады. Бұл жайында nur.kz порталы “Қазақпарат» агенттігіне сілтеме жасай отырып, хабар таратты.

Белгілі болғандай, өзін жас сезіну адам өлімін 41 пайызға төмендетеді екен. Сөздеріне дәлел ретінде ғалымдар сегіз жыл бойы 52 жастан асқан 6 мың адамның арасында зерттеу жүргізген.

Еріктілер үш топқа бөлінді. Біріншісінде өзін биологиялық жасынан жас деп есептейтін адамдар болды. Екіншісінде ішкі жасы мен төлқұжаттағы жасы сәйкес келетін адамдар жиналды.

Ал үшінші топ өз жасынан ересекпін деп есептейтін адамдардан құрылды.

Нәтижесінде өзін жас сезінетіндер топтағы адамдардың 14 пайызы қайтыс болды. Ал басқа топтарда әр бесінші адам көз жұмған, деп жазады шетелдік БАҚ.

0 пікір