Әйелдер үшін өз алдына жеке заң қабылдап, адам құқығының сақталуын отбасынан бастаған ел
Әйелдер үшін өз алдына жеке заң қабылдап, адам құқығының сақталуын отбасынан бастаған ел
27 күн бұрын 218 islam.kz-ке сілтеме берілуі міндетті

Өзбекстан сенаты кеше, яғни, тамыз айының 23-і күні өткен пленарлық жиында "Әйелдерді жәбір-жапа мен зорлық-зомбылықтан қорғау туралы" заңды мақұлдады. Аталмыш заң талаптарына байланысты жәбір-жапа көргендер мен зорлық-зомбылық көрсеткендер немесе көрсетуге бейім тұлғалар туралы дерек Өзбекстан республикасының статистика жөніндегі мемлекеттік комитетінің бірыңғай электронды мәліметтер базасына енгізіледі. Аталмыш базаға енгізу негізіне жәбір-жапа мен зорлық-зомбылық көргендер шағымы, жеке және заңды тұлғалардың зорлық-зомбылық пен жәбір-жапа фактілерін тікелей құзыретті органдарға хабарламасы, мемлекеттік және өзге де ұйымдардан аталмыш мәселеге қатысты материалдары жатады. Құзыретті тиісті мекемелер мен ұйымдар, әйелдерге көрсетілген жәбір-жапа мен зорлық-зомбылықтың куәсі болғандар дереу құқық қорғау орындарына, ішкі істер органдарына хабарлап, оның алдын алу үшін дербес шаралар қабылдауы тиіс. Жәбір-жапа мен зорлық-зомбылық көрген әйелдер арнайы құрылған орталықта экономикалық, құқықтық, әлеуметтік, психологиялық, медициналық және өзге де жәрдем алады. Аталмыш орталық жәбір-жапа мен зорлық-зомбылық көрген әйелдерге 30 күнге дейін уақытша пана береді. Ал әйелдерге жәбір-жапа мен зорлық-зомбылық көрсеткендерден мемлекет тарапынан көрсетілген қызметтердің құны өндіріліп алынады. Жәбір-жапа мен зорлық-зомбылық көрген әйелдер туралы хабарлаған тұлғалардың мәліметі жеке мәліметтер заңымен қорғалады. 

Мұның бәрін неге тәпіштеп отырмыз? Аталған ел әйелдер құқығының бұзылмасы үшін арнайы заң жобасын қабылдауының астарында тұрмыстық жәбір-жапа мен зорлық-зомбылықты тиісті орындарға хабарламай, шағымданбайтыны себеп болып отыр. "Бас жарылса, бөрік ішінде, қол сынса, жең ішінде" деп жабулы қазанды жабулы күйінде қалдыратын өзбек әйелдерінің құқығын қорғау мақсатында қабылданып отыр. 

0 пікір
Мұрағат