Бисмилләһир рахманир рахим.

Мұсылмандардың көзқарасы бойынша қазіргі таңдағы Христиан дінінде киелі саналатын Інжіл кітаптарының арасындағы ең дұрысы - «Варнава інжілі». Қазіргі Варнава інжілінің нұсқасын толықтай «түпнұсқа» деп айту қиын, өйткені, аталмыш інжіл де өзге інжілдер тәрізді тек аударма күйінде жеткен, түпнұсқасы жоқ, әрідесе, уақыт өте келе өзгертілген жерлері және кейіннен қосылған жерлері бар. Десе де, қазіргі қолда бар Варнава інжілінің өзге інжіл кітаптарына қарағанда Құранға және Исламдағы таухид сеніміне ұқсас жерлері көп. Атап айтсақ:

1. Исаны (ғалейһиссәләм) Құдай баласы демейді¹;
2. Құдайдың бірлігін айтады;
3. Мұхаммед пайғамбардың келетіндігі бірнеше тарауларда ашық және астарлап сүйіншіленеді².
4. Иса пайғамбардың тәлімдері өзге інжілдерге қарағанда кеңдеу, әрі түсінікті берілген.
5. Мариям анамызға Құдайдың құдіретімен бала бітуі оқиғасы айқын, анық және Құранда айтылған нұсқаға жақынырақ.
6. Иса (Исус) айқыш ағашына керілмеді, оның орнына әскерлер Иуда Искориотты кереді. Құдай Тағала төрт періштені жіберіп, Иса пайғамбарды үшінші аспанға көтереді.
7. Варнава інжілінің кей бөлімдерінде айтылған Құдайдың сипаттамасы - Ислам сенім-негіздерінде сипатталған Құдай анықтамасының дәл өзі деуге болады³. 

Варнава інжілі б.з. І-ІІ (1-2) ғасырларында халық арасында еркін таралып, оқылғандығы айтылады. Мысалы, Ириней (130-202 ж.) есімді шіркеу әкейі, бастапқы христиан сенім-негіздерін бұрмалап, оған көне Рим аңыздарынан ақпараттар енгізгені үшін Павлды (Павл інжілін жазушы) қатаң сынағандардың бірі еді. Ириней монотеистік сенімге берік кісі болған. Ол өзінің сынауларында Варнава інжілін басшылыққа алғандығы айтылады. Мұның өзі Варнава інжілінің Ириней өмір сүрген ғасырларда халық арасында қол жетімді болғандығын көрсетеді. 

Алайда, 323 жылы Никей саборында қазіргі ресми інжіл нұсқаларынан өзге нұсқаларды жою қарары қабылданып, Варнава інжілі тәрізді бірнеше Інжіл нұсқалары тыйым салынады, оларды сақтаған адамдар жазаға тартылды.

Әйтсе де, оның бір нұсқасы Рим папасының жеке кітапханасында сақталады. Кейіннен бірнеше ғасыр өтіп, оны Фран Марино есімді бір монах Папаның кітапханасынан тауып алып, оқып зерделеген екен. Мәліметтерге қарағанда Фран Марино Варнава інжілін оқығаннан соң мұсылман дінін қабылдаған деседі.

Одан кейінгі ғасырларда да Варнава інжілінің нұсқалары бой көрсетіп тұрды. Алайда, әлем жұртшылығына кең тараған кезі 1907 жылы. Аталмыш жылы Варнава інжілі мистер және миссис Рэгг тарапынан ағылшын тіліне аударылып, «Oxford University Press» баспаханасынан басылып шығады. Содан кейін, әлемнің бірнеше тіліне аударылып, әлем жұртшылығына танымал болады. Бұл басылымның орысша аудармасы да жасалып, 2007 жылы Ресейде басылып шығады. 

Варнава інжілінің басты ерекшелігі - Христиан шіркеулерінің бекіткен негізгі сенім-негіздерін түбегейлі жоққа шығаруында болып отыр. Варнава інжілінде Иса пайғамбарды Құдайдың баласы емес кәдімгі адам деп танытуымен қатар, Павлды (Павл інжілінің авторы) «жалғаншы» деп айыптайды. 

Абдусамат Қасым

¹  «Возлюбленный Господь наш, Великий и Всемогущий, посетил нас в сии дни через пророка своего Иисуса Христа, в великой милости Своей уча и совершая чудеса, ибо многие, введенные в заблуждение сатаной, лишенные благочестия, проповедуют ложное учение, называя Иисуса сыном Божиим, отрекшись от обрезания, которое предписано было Господом нашим от века, и позволяя себе и другим вкушать всякое нечистое мясо; среди таковых и Павел обманут был, о ком говорю не без сожаления. По причине сей пишу я правду, услышанную мною от самого Иисуса, и оная спасет вас, не давая сатане ввести вас во искушение и погубить души ваши в День Страшного Суда Господня. А посему остерегайтесь всякого, кто проповедует новое учение, противоречащее тому, что записано мною, ибо так спасетесь в вечности. Да пребудет с вами Господь Вседержитель и да избавит Он вас от лукавого. Аминь». (Варнава).
²  «И продлится осмеяние сие до пришествия Мухаммада, Посланника Божьего, который раскроет обман уверовавшим в Закон Божий». (Варнава, Глава 220 ИИСУС И ЧЕТЫРЕ АНГЕЛА). (Мұхаммед пайғамбардың келетіні жөнінде ашық айтылған басқа да тараулар бар).
³  «Так и поступил первосвященник; и говорил ему Иисус внятно, дабы всякий услыхал с места своего: «Записано в Законе и заповедях Господа нашего живого, что Бог наш не имеет ни начала, ни конца». Отвечал первосвященник: «Воистину так». Говорил Иисус: «Записано там, что Господь лишь словом Своим сотворил все сущее». «Воистину так», — отвечал первосвященник. Говорил Иисус: «Записано там, что Господь невидим и скрыт от глаз людских, поскольку Он бестелесен и невеществен и неизменен». «Воистину так», — говорил первосвященник. Говорил Иисус: «Записано там, что небеса небес не могут вместить Его, ибо бесконечен Господь наш». «Так говорил пророк Соломон, о Иисус», — отвечал первосвященник. Говорил Иисус: «Записано там, что нет Господу нужды ни в чем, потому что не ест Он и не спит и не претерпевает ни в чем нужды». «Воистину так», — отвечал, первосвященник. Говорил Иисус: «Записано там, что Господь наш повсюду, и нет другого бога кроме Него, кладущего конец и дающего начало всему и творящего то, что радует Его». «Воистину так», — отвечал первосвященник.» (Варнава, Глава 95 ОПИСАНИЕ ГОСПОДА).