Ирак футболшысы бір командада ойын өрнегін көрсетіп жүрген жолдастарын өзінің асқан сабырымен, табандылығымен тәнті етті. Ирактың «Нафт Майсан» премьер-лигасының қақпашысының нәрестесі, яғни, ұлы бейсенбіде шетінеп кетсе де қайғысын жаттықтырушысына да, жолдастарына да тіс жарып, айтқан жоқ. Ол ол ма, ертеңіне, яғни, жұма күні матчқа шығып, төніп келген талай голды баспен қайтарып, қақпаға кіргізбеді. Жанкүйерлерін де осылайша өнерімен тәнті еткен ол матч соңында көз жасына ерік беріп, еңіреп тұрып жылады. Сол кезде ғана жаттықтырушысы мен жолдастары оның қайғысынан хабардар болған.