|
Халал сертификатына ие болған кәсіпорындар
|
«ЖАҢАӨЗЕН СҮТ ЗАУЫТЫ» СЕРТИФИКАТТАЛДЫ
Маңғыстау өңіріне қарасты «Жаңаөзен сүт зауыты» «QMDB Halal» стандарты талаптарына сай сертификатталды. «Халал Дамудың» бас сарапшы-технологтары Айжан Қалмаханқызы мен Гүлмира Маратқызы, жергілікті өкіл Іздібай Бегенұлы өндіріс аумағында бақылау-қадағалау шараларын жүргізіп, өндірістің халал талаптарына толықтай сай екендігін анықтады.
Сертификаттау барысында сүт өнімдерін өндіру процесі, қолданылатын шикізаттың сапасы және өндірістегі санитарлық-гигиеналық жағдайлар жан-жақты тексерілді. Сарапшылар өнімнің барлық кезеңдерінде «QMDB Halal» стандарты талаптарының қатаң сақталғанын растап, кәсіпорынның адал өнім өндіру бағытындағы жауапкершілігі мен кәсібилігін жоғары бағалады. Сонымен қатар, мамандарымыз сүт фабрикасының үнемі бақылауда болатынын және бұл бағытта кәсіпорынға әдістемелік қолдау көрсетілетінін жеткізді.
«Жаңаөзен сүт фабрикасының» «Familk» сауда белгісімен шығарылатын өнімдеріне берілген халал сертификаты 21.11.2024-20.11.2025 жж мерзімі аралығында жарамды. Мекен-жайы: Маңғыстау обл., Жаңаөзен қаласы, О.Балғымбаева 2В.
ШЫМКЕНТ: «QAZAN PLOV» ДӘМХАНАСЫ СЕРТИФИКАТТАЛДЫ
Шымкент қаласындағы «Qazan plov» дәмханасы «QMDB Halal» стандарты талаптарына сай сертификатталды. Сертификатты «Халал Дамудың» Шымкент қаласы бойынша жауапты өкілі Сарыбаев Қазбек табыстады.
Сертификаттау барысында дәмхананың тағам әзірлеуде пайдаланатын өнімдері мен шикізаттарының халал талаптарына сәйкестігі жан-жақты тексерілді. Сертификаттау жұмыстары арнайы бекітілген стандарттар аясында жүргізіліп, тағам әзірлеудегі тазалық, өнімдердің халал мәртебесін растайтын құжаттар мен мекеме қызметкерлерінің біліктілігі назарға алынды.
«Qazan plov» дәмханасының мекен-жайы: Шымкент қаласы, Н.Төреқұлов көшесі, 61. Сертификаттың жарамдылық мерзімі: 23.12.2024-22.12.2025 жж
ҚАРАҒАНДЫ: «ХАЛАЛ МАРКЕТ» ЕТ ДҮКЕНІ СЕРТИФИКАТТАЛДЫ
Қарағанды қаласындағы «Батыков» жеке кәсіпкерлігіне қатысты «Халал маркет» ет дүкені «QMDB Halal» стандарты талаптарына сай сертификатталды. Сертификатты «Халал Дамудың» Қарағанды қаласы бойынша жауапты өкілі Амангелді Асқаров табыстады.
Сертификатты табыстау рәсімі барысында «Халал Дамудың» Қарағанды қаласы бойынша жауапты өкілі Амангелді Асқаров дүкен иесіне құттықтауын жеткізіп, халал стандарттарының маңыздылығын атап өтті. Ол адал өнімдер ұсыну арқылы тұтынушылардың сенімін арттырудың және олардың қажеттіліктерін қанағаттандырудың маңызды екендігін айтты.
«Халал маркет» ет дүкенінің иесі адал әрі сапалы өнімдер ұсыну арқылы тұтынушылар сенімін ақтауға және халал стандарттарын қатаң ұстануға уәде етті. «Халал Маркет» ет дүкенінің мекен-жайы: Қарағанды қаласы, Шахтеров көшесі, 7. Сертификаттың жарамдылық мерзімі: 20.12.2024-19.12.2025 жж.
ҚАРАҒАНДЫ: «SHAURMA HOUSE» ДӘМХАНАСЫ СЕРТИФИКАТТАЛДЫ
Қарағанды қаласындағы «Shaurma House» фаст-фуд дәмханасы «QMDB Halal» сертификатына ие болды. «Халал Дамудың» жауапты маманы Амангелді Асқаров кәсіпорын иесіне халал сертификатын табыстап, кәсіптеріне береке тіледі.
Сертификаттау барысында «Shaurma House» фаст-фуд дәмханасының ас мәзірінде қолданылатын барлық өнімдер мен ингредиенттердің «QMDB Halal» стандартына сәйкестігі мұқият тексерілді. Өндіріс процесі, сақтау және дайындау кезеңдеріндегі санитарлық-гигиеналық талаптардың орындалуы да қатаң бақылаудан өтті. Сертификатты табыстау рәсімінде Амангелді кәсіпорын ұжымына халал стандарты талаптарын ұдайы сақтау қажеттігін ескертті.
«Бұл жетістік кәсіпорынның дамуына жаңа серпін беріп, халал стандарттарына сәйкес қызмет көрсетуін одан әрі жалғастыруына мүмкіндік береді», – деген дәмхана иесі өз сөзінде «QMDB Halal» сертификаты тұтынушылардың сенімін арттырып, адал ас ұсыну жолындағы жауапкершілікті күшейтетінін айтты.
«Shaurma house» фаст-фуд дәмханасына берілген халал сертификаты 19.12.2024-18.12.2025 жж мерзімі аралығында жарамды. Мекен-жайы: Қарағанды қаласы, Құрылысшылар көшесі, 1/1.
