АҚТӨБЕ: «SPACE’S SPICE» ӨНІМДЕРІ СЕРТИФИКАТТАЛДЫ 

Ақтөбе қаласындағы «Daurenbekuly» кәсіпорнының «Space’s spice» сауда белгісімен шығарылатын тағамдық қоспалары мен жартылай фабрикаттары сертификатталды. Жұма намазға жиналған жамағат алдында облыстың бас имамы Серікжан Еншібайұлы кәсіпорын өкіліне «QMDB Halal» сертификатын табыстап, халал кәсіптеріне береке тіледі.

«Space’s spice» сауда белгісімен тағамдық қоспалар, маринадталған кәуап, тауық еті секілді жартылай фабрикаттар да шығарылады. Кәсіпорынды сертификаттау барысында өндіріс аумағында айлық аудит жұмыстары жүргізіліп, қолданыстағы өнімдері толықтай тексерілді. Санитарлық тазалығы, қызметкерлердің халал стандарты талаптарын сақтауы қадағаланды. Сонымен қатар, мекеме басшылығы мен қызметкерлерге халал стандарты мен технологиясы жөнінде семинар өткізілді», – деп хабарлайды өкіліміз.

Айта кетейік, «Daurenbekuly» кәсіпорнының Астана және Ақтөбе қалаларындағы екі сату орны сертификатталды. Мекен-жайы: Ақтөбе қаласы, Ағайынды Жұбановтар көшесі, 290/3 және Астана қаласы, Ш.Қосшығұлұлы 19/1.

ҚАРАҒАНДЫ: «TURAN EL» ДӘМХАНАСЫ СЕРТИФИКАТТАЛДЫ 

Қарағанды қаласындағы ұлттық стильдегі заманауи дәмханалардың бірі – «Turan El» дәмханасы «QMDB Halal» стандарты талаптарына сай сертификатталды. Сертификатты Қарағанды облысының бас имамы Естай Айтуғанұлы мен «Халал Дамудың» жергілікті маманы Амангелді Асқаров табыстады.

«Turan El» – ұлттық стиль мен қазақи тағамдарды насихаттауға бағытталған, жоғары сервистік қызмет пен сапалы ас ұсынатын дәмханалардың бірі. Сертификаттау барысында өндіріс аумағында толыққанды аудит жұмыстары жүргізіліп, дәмхана қызметкерлеріне оқу-семинар өткізілді», – дейді маманымыз.

«Turan El» дәмханасының мекен-жайы: Қарағанды қаласы, Орбита-1 ықшам ауданы, құрылым 32/1