Ұлтымыздың ұлық мерекесі – Наурыз мейрамына орай республикалық «Әзірет Сұлтан» мешіті 23-наурыз күні арнайы мерекелік іс-шара өткізеді. Ұлттық мереке құрметіне орай жұма намазынан кейін мешіт ауласында спорттық сайыстар ұйымдастырылып, «Қайырымдылық жәрмеңкесі» өткізілетін болады. Атап айтқанда, арқан тартыс, қол күрес, гір көтеру, асық ойыны, бұқа тартыс секілді ұлттық спорт ойындары ұлықталып, жамағат арасында жарыс ұйымдастырылады. 

Сондай-ақ, мешіт ауласына қазақ үй тігіліп, ізгі ниеті мен тілегін білдірген жандарды ақ дастархан басында күтетін боламыз. Халқымыздың қадірлі мейрамына орай бұл күні бірнеше мемлекет елшілері мерекелік іс-шараға қатысып, Наурыз мерекесін жамағатпен бірге өткізетін болады.

Тұрақты түрде ұйымдастырылып келе жатқан «Қайырымдылық жәрмеңкесі» де биылғы жылы ауқымын кеңейтіп, жұртқа ұсынар тағамдар тізімін көбейте түсті. Айта кетейік, жәрмеңкеден жиналған қаржы мүгедек балаларды сауықтыру шарасына жұмсалатын болады. 

Ұлттық мерекемізді мешітте атап өтіп, аталмыш шараға ақпараттық қолдау көрсетулеріңізді сұраймыз! 

Өтетін жері: «Әзірет Сұлтан» мешіті.
  Өтетін уақыты: 23-наурыз, 11.00. 
Байланыс телефоны:
8 707 517 73 88.