Енді 3 минуттың ішінде жеке тұлға туралы мәліметтерді білуге болады.

Қазақстандық Kompra стартапы жеке тұлғалардың ЖСН бойынша сенімділігін тексеруді іске қосты. Бұл туралы the-tech.kz сайты  хабарлады.

Енді 3 минуттың ішінде жеке тұлға туралы төмендегі мәліметтерді білуге болады:

• Іздеуде болуы;
• Хабар-ошарсыз жоғалғандардың тізілімінде болуы;
• Атқарушылық іс жүргізудің болуы;
• Шығуға шектеу тізілімінде болуы;
• Алимент төлеу бойынша борышкерлер тізілімдерінде болуы;
• Балаларға қатысты қылмыстары үшін сотталғандардың тізілімінде болуы (педофилдер тізілімі);
• Терроризм мен экстремизмді қаржыландырған адамдар тізілімінде болуы;
• Салық берешегінің болуы;
• Байланысты компаниялар (директор немесе құрылтайшы);
• Қолданыстағы ЖК.

Құқықтық жағынан шектеулер жоқ. Сервисте тек жалпыға бірдей қолжетімді дербес деректер (субъектінің келісімімен немесе Қазақстан Республикасының заңнамасына сәйкес құпиялылық талаптары қолданылмайтын жеке деректер) пайдаланылады. Олар мемлекеттік органдардың  интернет-ресурстарында орналастырылған.