"Ranking.kz" аналитикалық сайтының хабарлауынша, банктердің кіріс активтерінің портфелі 20 трлн. теңгеден асып отыр, ал олардың рентабельділігі 4,4 пайыз деңгейінде тіркелген.

«2016 жылы шілде айында банктер өз активтерін несие және өзге де пайдалы құралдарға салу арқылы 922,4 млрд. тг кіріс тапты, бұл 2015 жылдың шілде айымен салыстырғанда 11 пайызға жоғары», - делінген талдамашылар жасаған хабарламада.

2015 жылы банк секторын санациялау жүргізілгеннен кейін (БТА-Банк токсикалық активтерін сектордан шығаруға бағытталған), кіріс активтерінің рентабельділігі күрт өскен болатын. Бұл тиімділік 5 пайызға жетіп, 2015 жылдың желтоқсан айына дейін сақталып келген еді.

«Содан бері рентабельділік төмендей берді және 2016 жылдың шілде айында 4,4 пайызға дейін түсті. Өздерінің кіріс аквтитерінен түсетін таза пайда көлемі бойынша көшбасшылықты несие экспансиясы арқылы қаржы ағымын ұлғайтуға қауқарлы ірі банктер иеленіп алған», - делінген хабарламада.