Қазақстан армиясының құрылу тарихы - бұл түп-тамыры тереңге жайылған, көненің көзіне айналған дүниежүзі тарихының бөлігі іспетті. Тәуелсіздік пен еркіндік үшін айбарлы батырларымыз шайқасқа түсті. Олардың арасында нәзік жанды арулар да болды. Бұл туралы ҚР Қорғаныс министрлігінің баспасөз қызметі хабарлайды.

Қазақ халқы жоңғар шапқыншылығы, қасіретті зұлмат жылдар, екінші дүниежүзілік соғыс, Ауғанстандағы әскери шиеленістерге қатысу сынды талай тағдыр сынынан өтті.

Бүгінгі таңда қазақстандық армия қатарында өзінің қасиетті борышын абыроймен атқарып жүрген 8 мыңнан аса әйел әскери қызметші қызмет етеді.

7 мамыр күнін Отан қорғаушылар ерлер қауымы ғана емес, сонымен бірге туған жеріміздің тыныштығын сақтап, тәуелсіздігіміздің берік қалқаны, ұйытқысы болып отырған Отан қорғаушы қыз-келіншектеріміз де атап өтетін болады.