Paidax инвестициялық платформасы Қазақстандағы алғашқы исламдық долларлық жинақ шотын іске қосқанын жариялады. Бұл — шариғат қағидаларына негізделген депозиттің баламасы. Құрал бойынша жылдық табыстылық 3,08%-ға дейін жетеді. Шот ашудың ең төменгі сомасы — небәрі $1. Өнім Paidax мобильді қосымшасында қолжетімді.

Исламдық жинақ шоты исламдық қаржы қағидаларына сәйкес әзірленген және өсім (риба) есептеуді болдырмайды. Модель активтердің ашық құрылымына және табысты әділ бөлу қағидатына негізделген. Табыстылық күн сайын есептеледі, ал қаражатты кез келген уақытта айыппұлсыз және шектеусіз шешіп алуға болады.

Компания өкілдерінің айтуынша, бұл құрал тек мұсылмандарға ғана емес, сонымен қатар долларда консервативті әрі тиімді табыс көзін іздейтін барлық инвесторларға арналған. Қазақстандағы долларлық депозиттердің орташа мөлшерлемесі шамамен 1% болған жағдайда, Paidax исламдық жинақ шоты 3,08%-ға дейін табыстылық ұсынады.

Платформадағы исламдық инвестицияларды дамыту

Paidax Қазақстанда исламдық қаржы бағытын белсенді түрде дамытып келеді. Платформада шариғат-скрининг жүйесі жұмыс істейді: акциялар Ailat серіктесінің қатысуымен ислам қағидаларына сәйкестігі бойынша тексеріледі. Пайдаланушылар компаниялардың шариғат нормаларына қаншалықты сәйкес келетінін көріп, қажет болған жағдайда портфельді тазарту мүмкіндігіне ие.

Сонымен қатар қосымшада алғашқы исламдық ETF — ITSS қолжетімді. Бұл шариғат талаптарына сәйкес келетін, салық салынбайтын және қолжетімді бағамен ұсынылатын инвестициялық құрал.

Компания Қазақстанда исламдық инвестициялар үшін толыққанды инфрақұрылым қалыптастыруды мақсат етеді. Paidax ашық, технологиялық және сенімді шешімдер арқылы капиталды ұзақ мерзімде сақтау мен көбейтуге мүмкіндік береді.

Paidax — АХҚО юрисдикциясында тіркелген және AIX пен ITS биржаларының сауда мүшесі болып табылатын инвестициялық платформа. Компания Astana Hub экожүйесіне кіреді.

Қазіргі күнде Paidax $1 000 000-нан астам инвестиция тартып, 35 000-нан астам пайдаланушыны біріктірді. Бұған дейін компания White Hill Capital және Aloqa Ventures қорларынан инвестиция тартқан.

AFSA-G-LA-2023-0007 «Dealing in Investments as Principal (as a matched principal), Dealing in Investments as Agent» лицензиясы Paidax Limited компаниясына 07.11.2023 жылы АХҚО жанындағы AFSA Қаржы қызметтерін реттеу комитеті тарапынан берілген.