Шет елдерге сатылған мұнай көлемі 2016 жылмен салыстырғанда былтыр 37,8% өскен.

Статистика комитеті мәліметтері бойынша, бүгінде Қазақстан мұнайын ең көп сатып алушы Италия болып отыр. Бұл ел өткен жылы Қазақстаннан 8,4 млрд долларға мұнай алған және Италияға экспорт бір жылда 21,3% өскен.

Сонымен қатар қазақ мұнайын сатып алушы негізгі елдердің қатарында Голландия ($3,6 млрд), Швейцария ($2,6 млрд), Франция ($2,8 млрд), Испания ($1,4 млрд), Грекия ($799,6 млн), Румыния ($878,7 млн), Қытай (853,4 млн), Португалия ($595,9 млн), Хорватия ($288,7 млн), Корея ($955,9 млн) және Үндістан ($619 млн) бар.