Оралда әкесі қызына өз бүйрегін беріп, оны аман алып қалды. Осыған дейін бірнеше жыл 17 жастағы Альбина диализдің көмегімен ғана өмір сүріп келген еді. Бұл туралы "Уральская Неделя" мерзімді басылымы хабарлайды.

“Менің бүйрегімді 30 мамыр күні қызыма салды. Ота сәтті өтті. Альбина қазір өз бетінше тамақтанып жатыр. Мен де әзірге ауруханадамын, өзімді жақсы сезінемін. Бірнеше күннен соң мені шығаратын шығар, ал Альбина кем дегенде екі аптадай ем қабылдайды”, – дейді Мырзағали Дүйсембаев.

Мырзағали Астанада ақша жетіп жатқанын, қаражат жинап берген қайырымды жандарға үлкен алғыс білдіретінін де айтты.

“Біздің жағдайымызға түзу көзқараспен қарап, ақша жинап берген жомарт жандардың бәріне алғыс айтамын. Солардың арқасында қызыма жасалған ота сәтті, бәрі ойдағыдай өтуде”, – деді ол.

Операция жасалмай тұрған кезде