Сонымен, отырыста мәлім болғандай: Макроэкономикалық көрсеткіштердің 2015 – 2019 жылдарға арналған болжамының өзгеруіне, он айда бюджеттің іс жүзінде атқарылу қорытындыларына сүйене отырып, есептеулерді нақтылауға, сондай-ақ «Нұрлы Жол» инфрақұрылымдық даму бағдарламасын түзетуге байланысты 2015 жылға арналған республикалық бюджетті нақтылау жөніндегі ұсыныстар енгізді. Бірінші кезекте бюджетті нақтылау бюджеттің кіріс бөлігі түсімдерінің тиісінше төмендеуі нәтижесінде бұзылған бюджеттің теңгерімділігін қамтамасыз етуге бағытталған. 
Бюджет түсімдерінің жалпы төмендеуі 66,5 млрд теңгені құрады 38,3 млрд. теңге іс-жүзіндегі түсімдердің макроэкономикалық көрсеткіштерді түзету есебінен,  28,2 млрд. теңге Ұлттық қорды басқару кеңесінің шешіміне сәйкес Ұлттық қордан бөлінетін нысаналы трансферт көлемінің азаюы нәтижесінде. Кіріс бөлігінің 38,3 млрд. теңге сомасына төмендеуі әлеуметтік міндеттемелерді қозғамайтын бюджеттік бағдарламалар әкімшілерінің шығыстарын қысқарту арқылы өтеу ұсынылды. Нәтижесінде, нақтыланған бюджет параметрлері, бюджет түсімдері 5 921,5 млрд. теңгені, шығыстар 7 179,2 млрд. теңгені құрады.
Ағымдағы жылдың бюджет тапшылығы мөлшері бюджетті бірінші нақтылаудан кейін жүргізілген 2014 жылдың қалдықтарын толық пайдаланылуына байланысты түзету ескеріле отырып бекітілген деңгейде сақталды, және 1 257,7 млрд. теңгені немесе жалпы ішкі өнімнің 3 % құрайды. Енді Бюджеттік заң жобасы Мәжілістің Қаржы және бюджет комитетінің мүшесі, депутат Глеб Щегельский жетекшілік ететін жұмыс тобында талқыланатын болады.