Қазақстан Республикасы Инвестициялар және даму министрлігі ел  аумағында геологиялық картасы орналастырылған геология және жер қойнауын пайдаланудың интерактивті картасын іске қосты.

Бүгінде қолданыстағы және жоспарланып отырған келісімшарт аумақтары бойынша ақпарат алуға болады. Келешекте аталған интерактивті карта жетілдіріліп, жер қойнауын пайдалану құқығын беру мен онлайн режимде бақылау жүргізу жоспарланған.

Қазіргі таңда ҚР ИДМ деректері бойынша, жер қойнауын пайдалану құқығын берудің жеңілдетілген жаңа тәсілдері пилоттық режимде енгізіліп отыр. Ақмола облысы Степногор қаласының маңындағы толық зерттелмеген учаскелерде осы тәсілдер пайдаланылып жатыр. Ол бойынша бүгінгі таңда 17 келісімшартқа қол қойылған. Министрлік жыл соңына дейін Шығыс Қазақстан облысындағы толық зерттелмеген учаскелерде жұмыстарды бастап, әрі қарай бұл жұмысты республиканың барлық аумағында қамтуды көздейді.

Ведомство халықаралық CRIRSCO комитетінің құрамына кіру жұмыстарын жүргізіп, әлемдік қауымдастыққа қоғамдық есептілік стандарттарына арналған геологиялық барлау жұмыстарының нәтижесі бойынша минералды ресурстар мен қорлар жайында таныстыру жұмыстарын атқарды.

Сонымен қатар, жүргізілген барлық реформаның шешуші кезеңі «Жер қойнауы және жер қойнауын пайдалану туралы» ҚР Кодексі жобасын дамыту болмақ. Кодекс жер қойнауын пайдалану саласындағы әлемдік стандарттарға сай келетін үздік заңнамалық акт болуы тиіс.