Қазақстанда екпенің бірқатары міндетті болмақ, деп хабарлады nege.kz ақпарат көзі ҚР ДСМ тауарлар мен қызметтер қауіпсіздігінің сапасын бақылау комитетінің төрағасы Тимур Сұлтанғазиевке сілтеме жасай отырып. 

«Қазір «Халық денсаулығы және денсаулық сақтау жүйесі туралы» кодекске тиісті түзетулер әзірленуде, онда екпелердің бірқатары міндетті, ал бірқатары ерікті ретінде бекітілетін болады. Аталмыш кодекс бекітілгеннен кейін келесі кезеңде ҚР үкіметінің қаулысы бекітіледі. Ол қаулыда міндетті түрде алынуы керек екпе түрлері анық көрсетілетін болады, ал қалғаны ерікті түрде салынады», - деді Сұлтанғазиев Facebook желісіндегі тікелей эфирде.

Ол нақтылағандай, қазір аталмыш кодекс түзетулері парламент мәжлісінде қаралуда.