Шенеунік жеке және жүргізуші куәлігі, көліктің техникалық паспорттарын алып тастап, оның барлығын телефондағы қосымшаға енгізуді ұсынды. Яғни, базаға кіріп кез келген мәліметті қарауға болады. Сонда қазақстандықтар қаптаған құжаттардың орнына өзімен бірге тек смартфон ғана ұстайды деп отыр.

Бағдат Мусиннің ойынша, құжаттардың әрқайсысын шығарғаннан гөрі, әр адамға ұялы телефон сатып әперген мемлекетке арзанға түседі екен. Сондай-ақ, комитет төрағасы мемлекеттік қызметкерлерге смартфон қолдануға тыйым салуға қарсы екенін де айтып қалды. Әзірге, шендінің бұл ұсыныстары еш жерге ресми жарияланған жоқ.