Гүлнұр тіпті анасына ватсап желісі арқылы аққан ауруына шалдыққан сәбидің суретін де түсіріп жіберген. Өткен сенбі күні Индира Бектуллина марқұм болған қызынының денесін туған жері Ақсу ауданының орталығы Жансүгіров ауылында жерледі. Дәл осы елдімекенде Гүлнұр дүниеге келген. Анасының айтуынша, Гүлнұрдың бар арманы анасына үй сатып алып беріп, тұрмысқа шықсам деп, тіпті қонақтардың тізімін де жазып қойған. Гүлнұрдың анасының айтуынша, жалғыз қыздарын оқуға түсіру мақсатында басындағы баспаналарын да сатқан көрінеді. Бұл жайт Гүлнұрдың жанына батып, әр кез анасына үй алып беремін деп болашаққа талпыныпты. Өкінішке қарай, отбасының жалғыз баласы фельдшер Гүлнұрдың арманы орындалмай кетті. Айта кетейік, сәрсенбі күні Үшаралдан ұшып шыққан тікұшақ Талдықорғанға келуі тиіс болған. Алайда, әуе кемесі апатқа ұшырап, ішінде болған бес адамның барлығы қайтыс болған.

ИНДИРА БЕКДУЛЛИНА, Гүлнұр Хамитованың анасы:

- Арман деген жетеді ғой. Күйеуге тиемін дейтін. Қайтсем де саған үй алып беремін дейтін. Мен айтамын ғой, әлі кішкентайсың десем не переживай. Никогда жылама мама дейтін. Мен жыласам жыны ұстайтын. Все будет хорошо, будет хорошо дейтін. Жалғыз қызым еді, сол үшін өмір сүрдік.