Елімізде жыл санап отандық өнімдер көбеюде. Бұрындары тек сырттан келген киімді киіп, өзге елден алдырылған азықты тұтынсақ, бүгінде отандық нарықта өзіндік есімін қалыптастырып үлгерген брендтті тауарлар пайда болды, деп хабарлайды Stan.kz.

Солардың бірі - Қызылорда шығатын Dalatex бренді. Сыр өңірінің өндірушілері 100% мақтадан тұратын ерлер жейдесін шығарады. Бұл туралы желідегі парақшасында қоғам қайраткері Мұрат Әбенов жазды.

«Жігіттер, отандық жаңа Dalatex брендінің атауын жаттап алыңыздар. 100% мақтадан тұратын ерлер жейдесі. Құрылғы Жапониядан, ал технология мен маталар Түркиянікі. Ал жұмыс істеп жатқан біздің шеберлеріміз. Кіріс те бізге кіреді. Сол себепті, отандық өнімді сатып аламыз! Өндіріс менің туған жерім Қызылордада 2016 жылдың көктемінде іске қосылды. Киімді шығаруға атсалысып жатқан ұжым жастардан құралған. Тауар Астана, Алмат, Атырау және Қызылорда қалаларында бар. Қазіргі уақытта еліміздің барлық аймағына жеткізу мақсатында интернет-дүкенін ашу үшін сайт даярлануда. Өзім 4 жейде сатып алдым. Шыны керек, мұндай бағаға Еуропада бір жейде де ала алмайсыз», – деді Әбенов.