1300-ден аса қазақстандық халықаралық іздеуде жүр, - деп хабарлайды Tengrinews.kz тілшіс ҚР Бас прокуратурасына сілтеме жасап.

"Қазіргі уақытта Қазақстан аумағында қылмыс жасаған 1300-ден аса адам халықаралық іздеуде жүр", - деді ведомстводағылар редакция жолдаған сауалға берген жауабында.

Сондай-ақ, активтерді қайтару мақсатында Бас прокуратура өкілдерінің "Шетелден жымқырылған активтерді қайтару" атты жобаны іске асырып жатқаны айтылды.

Айта кетейік, осыған дейін Қазақстанда 10 жыл ішінде 100 миллиард теңгенің елден шығарылғаны айтылған еді. Бұл туралы журналистерге ҚР Бас прокурорының орынбасары Андрей Кравченко мәлімдеген болатын.